"Манчестер Юнайтед"нинг собиқ ҳужумчиси Уэйн Руни сэр Алекс Фергюсон жамоани "Милан"га қарши ўйинга қандай тайёрлаганини эслади.
Шотландиялик мураббий "россонерилар" ярим ҳимоячиси Андреа Пирлонинг таҳдидидан шу қадар қўрққанки, Пак Чжи Сунни майдонда италиялик футболчини қўриқлашни буюрган.
"Ферги "Милан" билан ўйинимиз олдидан инструктаж ўтказганини эслайман. У Пакга том маънода қуйидагиларни айтди: "Бугунги вазифанг - тўп билан ишламаслик, пас бермаслик, вазифанг - Пирло. Бор гап шу - Пирло," - дея Рунининг хотираларини келтиради Man United Media.
2009/10 йилги мавсумда "қизил иблислар" Чемпионлар Лигаси 1/8 финалида "Милан"ни умумий 7:2 ҳисобида мағлуб этишди.
