"Барселона"нинг чап қанот ҳимоячиси Алехандро Бальде дарвозабон Жоан Гарсиянинг ўйинига қойил қолди.
Шанба куни испаниялик дарвозабон "кўк-анорранглилар"га ўз уйида "Осасуна" устидан "қуруқ" ғалаба қозонишга ёрдам берди - 2:0.
"Ўйлашимча, Жоан Гарсия - айни дамда дунёнинг энг яхши дарвозабонларидан бири. У ҳали ёш, лекин аллақачон энг юқори даражага етган. У бизнинги дарвозамизни ҳимоя қилаётганидан жуда хурсандмиз," - дея Бальденинг сўзларини келтиради Barca Universal.
"Барселона" Жоан Гарсияни жорий мавсум старти олдидан "Эспаньол"дан 25 млн еврога сотиб олди. 24 ёшли кипер каталонияликлар сафида барча мусобақаларда 14 та ўйинда 14 та гол ўтказиб юборди, шунингдек, 5 марта дарвозани дахлсиз сақлаб қолди.
