"Манчестер Юнайтед" хавбеки Мануэль Угарте келаси ойдаёқ жамоани тарк этиши мумкин.
24 ёшли футболчи "қизил иблислар" сафида ўз ўрнини йўқотди. Журналист Экрем Конурнинг ҳисоботида айтилишича, инглиз гранди раҳбарияти қишки трансфер ойнасида уругвайлик футболчи бўйича таклифларни кўриб чиқишга тайёр. Футболчига Ла Лига, А Серия ва Франция чемпионатининг номи ошкор этилмаган вакиллари қизиқиш билдирмоқда.
Мануэль Угарте жорий мавсумда Рубен Аморим жамоасининг 11 та ўйинида майдонга тушди. "ПСЖ" ва Лиссабоннинг "Спортинг" клуби собиқ ярим ҳимоячисининг Transfermarkt порталидаги нархи - 30 млн евро.
