"Милан" яқин келажакда Аллегри даврида асосий таркибнинг барқарор футболчисига айланган бельгиялик ярим ҳимоячи Алексис Салемакерс билан шартномани узайтиради. Бу ҳақда бир вақтнинг ўзида икки италиялик нуфузли журналист - Фабрицио Романо ва Маттео Моретти хабар бермоқда.
Салемакерс ҳозирги клубида деярли олти йилдан бери ўйнаб келмоқда, у 2020 йилнинг январида Бельгиянинг "Андерлехт" клубидан "Милан"га ўтган. Ўшанда у клубга саккиз миллион еврога тушган.
Футболчининг янги шартномаси 2030 йилнинг ёзига қадар мўлжалланган бўлиб, унинг гонорари сезиларли даражада ошади - ҳар мавсум учун бир миллион евродан уч миллионгача.
