Ўзбекистон кубогининг ярим финал дастлабки учрашувларига Тошкентда старт берилди. «Пахтакор» ўз уйида Қаршининг «Насаф» жамоасини қабул қилган учрашувда барча масала жавоб учрашувига қолди.

Учрашувнинг катта қисми асосан майдон марказида томонларнинг кам сонли ҳужумлари билан ўтди.

Учрашувнинг асосий воқеалари ўйиннинг сўнгги дақиқаларида содир бўлди. Аввалига Махарадзенинг зарбасидан кейин тўп тўсинга тегиб чизиққа тушди. Анча жим бўлиб турган стадион тўп чизиқни кесиб ўтди, дея ларзага келди. Стадион ҳакамнинг ҳаракатларидан норози бўлиб эътирозлар билдира бошлашди.

Айнан мана шундан кейин ўйин тизгини бироз қўлдан чиқиб кетди. Айниқса 87-дақиқада киритилган, лекин инобатга олинмаган гол катта эътирозга сабаб бўлди. Игорь Сергеевнинг зарбасидан кейин дарвозагача тўпни ўзгартириши мумкин бўлган позицияда турган Анвар Солиев ростан ҳам тўпга ҳаракат қилди. Ильясов эса кутилмаганда офсайдни қайд этди. Такрорий лавҳада Солиев офсад ҳолатида эмаслиги кўриниб турганди.

Хуллас учрашувда эътиборга молик иккита ҳолат мана шулар эди. Расман иккала жамоа ҳам гол киритмаган деб топилди. Натижада барча учрашув жавоб учрашувида ҳал бўладиган бўлди.

Ўзбекистон кубоги
1/2 финал
Дастлабки учрашув
ПАХТАКОР - НАСАФ 0:0
«Пахтакор»: Александр Лобанов, Александр Мерзляков, Боян Миладинович, Акбар Исматуллаев, Максимилиан Фомин, Владимир Козак, Кахи Махарадзе, Дилшод Шарофетдинов (Игорь Сергеев, 54), Шерзодбек Каримов (Анвар Солиев, 85), Ойбек Қиличев, Темурхўжа Абдухолиқов (Жамшид Искандеров, 46).
«Насаф»: Элдорбек Суюнов, Ботир Қораев, Ҳамза Каримов, Мақсуд Каримов, Шуҳрат Муҳаммадиев, Эркин Бойдуллаев, Илҳом Юнусов, Шоҳруҳ Гадоев, Артур Геворкян, Азамат Оллониёзов (Зоҳид Абдуллаев, 64), Илҳом Шомуродов.
Огоҳлантиришлар: Анвар Солиев (86)
Ҳакамлар: В.Коваленко, Р.Илёсов, М.Саидқосимов, Б.Намозов
Назоратчи: Ф.Абдуллаев.