"Манчестер Сити" бош мураббийи Хосеп Гвардиола 23 ёшли англиялик дарвозабон Жеймс Траффорд билан боғлиқ вазиятга изоҳ берди. Инсайдерлар дарвозабон жамоани тарк этиши мумкинлигини таъкидлашди, даъвогарлар сифатида "Ньюкасл" тилга олинди. Гвардиола бу маълумотни рад этди.
"Жеймс Траффорд январда қолади. У бу мавсумда ҳам биз билан қолади", - дея "Манчестер Сити" бош мураббийининг сўзларини келтиради футбол инсайдери Фабрицио Романо.
Жеймс Траффорд ўтган мавсумни "Бёрнли"да ўтказди. Бу мавсумда у "Манчестер Сити" сафида АПЛда 3 та ўйинда майдонга тушди.













