"Manchester Siti" bosh murabbiyi Xosep Gvardiola 23 yoshli angliyalik darvozabon Jeyms Trafford bilan bog‘liq vaziyatga izoh berdi. Insayderlar darvozabon jamoani tark etishi mumkinligini ta’kidlashdi, da’vogarlar sifatida "Nyukasl" tilga olindi. Gvardiola bu ma’lumotni rad etdi.
"Jeyms Trafford yanvarda qoladi. U bu mavsumda ham biz bilan qoladi", - deya "Manchester Siti" bosh murabbiyining so‘zlarini keltiradi futbol insayderi Fabrisio Romano.
Jeyms Trafford o‘tgan mavsumni "Byornli"da o‘tkazdi. Bu mavsumda u "Manchester Siti" safida APLda 3 ta o‘yinda maydonga tushdi.













