"Кристал Пэлас" директорлар кенгаши раиси Стив Пэриш жамоа бош мураббийига қишки трансферлар учун 114 миллион евро ваъда қилди. Бу ҳақда хорижий манбалар хабар бермоқда.
Жорий мавсум охирида клубни тарк этмоқчи бўлган Гласнерни раҳбарият ҳар қандай йўл билан ушлаб қолишга ҳаракат қилмоқда. Таъкидланишича, трансфер бюджети, жумладан, Адам Уортон, Марк Гехи, Жан-Филипп Матета ва Максанс Лакруа сотувлари ҳисобига шакллантирилади.
"Кристал Пэлас" 16 турдан сўнг Премьер-лига турнир жадвалида 26 очко жамғаришга муваффақ бўлиб, бешинчи ўринда бормоқда.
