"Интер Майами"нинг аргентиналик ҳужумчиси Лионель Месси бир неча кун олдин "матрасчилар" сафида 500-ўйинини ўтказган "Атлетико" яримҳимоячиси Кокени жамоада кўрмоқчи.
Журналист Экрем Конурнинг таъкидлашича, Месси Кокени MLS кубоги финалидан кейин футболчилик фаолиятини якунлаган Серхио Бускетсга ўринбосар сифатида кўрмоқда. Аммо Кокенинг трансфери "Атлетико" билан шартномаси тугайдиган ёзгача кечиктирилиши мумкин. Бу ҳолатда "Интер Майами" 33 ёшли ярим ҳимоячини текинга олиб кетиши мумкин бўлади.
Жорий мавсумда Коке барча мусобақаларда 22та ўйинда майдонга тушиб, 1та гол урди ва 2та ассистни ўз ҳисобига ёздириб қўйди.













