Бельгиялик ярим ҳимоячи Юри Тилеманс Бирмингемнинг "Астон Вилла" клуби билан янги меҳнат шартномасини имзолаши мумкин. Бу ҳақда Football Insider хабар бермоқда.
Манбага кўра, инглиз клуби раҳбарияти 28 ёшли хавбек билан музокара ўтказишни режалаштирган. Тилеманс ва "шерлар" ўртасидаги амалдаги меҳнат шартномаси 2028 йилнинг ярмигача мўлжалланган.
Бельгиялик футболчи Англия премьер-лигасининг жорий мавсумида 10 та "жанг" ўтказиб, 2 та голли узатмани ўз ҳисобига ёздириб қўйди.
Мамлакат чемпионатининг 16-туридан сўнг Унаи Эмери шогирдлари 33 очко жамғариб, турнир жадвалида учинчи ўринда бормоқда.
