"Милан" "Вест Хэм" ва Германия терма жамоаси ҳужумчиси Никлас Фюллкругни ўз сафига қўшиб олмоқчи.
Sky Sport журналисти Флориан Плеттенбергнинг хабар беришича, миланликлар "болғачилар"га 32 ёшли форвардни сотиб олиш шарти билан ижарага олиш бўйича расмий таклиф билан чиққан.
Қайд этилишича, Лондон клуби таклифни ўрганиб чиқмоқда ва футболчини сотишни ёки ҳеч бўлмаганда сотиб олиш шарти билан ижарага беришни афзал кўради.
Фюллкруг охирги марта 2025 йилнинг апрель ойида гол урган. Жорий мавсумда германиялик форвард "Вест Хэм" сафида 9 та ўйинда бирорта ҳам самарали ҳаракатни амалга ошира олмади. Футболчининг лондонликлар билан шартномаси 2028 йилнинг ёзигача мўлжалланган.
