"Milan" "Vest Xem" va Germaniya terma jamoasi hujumchisi Niklas Fyullkrugni o‘z safiga qo‘shib olmoqchi.
Sky Sport jurnalisti Florian Plettenbergning xabar berishicha, milanliklar "bolg‘achilar"ga 32 yoshli forvardni sotib olish sharti bilan ijaraga olish bo‘yicha rasmiy taklif bilan chiqqan.
Qayd etilishicha, London klubi taklifni o‘rganib chiqmoqda va futbolchini sotishni yoki hech bo‘lmaganda sotib olish sharti bilan ijaraga berishni afzal ko‘radi.
Fyullkrug oxirgi marta 2025 yilning aprel oyida gol urgan. Joriy mavsumda germaniyalik forvard "Vest Xem" safida 9 ta o‘yinda birorta ham samarali harakatni amalga oshira olmadi. Futbolchining londonliklar bilan shartnomasi 2028 yilning yozigacha mo‘ljallangan.













