Мюнхеннинг "Бавария" клуби ҳужумчиси Ҳарри Кейн Чемпионлар Лигаси-2024/2025 йилги мавсуми 1/8 финали доирасида Леверкузеннинг "Байер" клубига қарши ўйинда киритган тўпини жамоанинг 2025 йилдаги энг эсда қоларли голи деб атади.

"Менга жуда ёққан голлардан бири Мюнхенда "Байер" билан Чемпионлар Лигаси плей-офф босқичидаги илк гол бўлди. Ўйлайманки, бу ўйин атрофида жуда катта шов-шув бўлди, Германиядаги ўша пайтдаги энг ашаддий рақибларимиз билан плей-оффнинг муҳим ўйини бўлди. Ўйин бошидаги муҳит жуда шовқинли эди, бу бош билан зарба, адреналин шкаладан ошиб кетди, шунинг учун ҳа, жуда эсда қоларли, бу йилги энг севимли лаҳзаларимдан бири", - дея Кейннинг сўзларини келтиради Bild.

Жорий мавсумда "Бавария" Германия чемпионатида 14 ўйиндан кейин 38 очко жамғариб, турнир жадвалида пешқадамлик қилмоқда. Чемпионлар лигасининг умумий босқичида жамоа иккинчи ўринда бормоқда, мюнхенликларда олти ўйиндан кейин 15 очко бор.