Туркия Суперлигаси клубларида фаолият олиб бораётган 18 нафар мураббийдан 12 нафари жорий мавсум давомида ишсиз қолди. Бу ҳақда Trendyol Superlig хабар берди.
Ишдан бўшатилган мутахассислар орасида "Фенербахче"ни "Бенфика"га алмаштирган португалиялик Жозе Моуриньо, шунингдек, "Бешиктош"дан бўшаганидан кейин ҳали ўзига иш топмаган норвегиялик Оле Гуннар Сульшер ҳам бор. Ҳозирда "Фенербахче" чемпионатда иккинчи, "Бешиктош" эса бешинчи ўринда бормоқда.
Эслатиб ўтамиз, ишдан бўшатилган мураббийлар ўрнига тайинланган 12 нафар мураббийдан 3 нафари аллақачон ишдан бўшатилган.
