"Манчестер Юнайтед" раҳбарияти қишки трансферлар вақтида жамоа ярим ҳимоясини кучайтиришни режалаштирмоқда. Бу ҳақда инсайдер Фабрицио Романо маълум қилди.

Манбага кўра, "Манчестер Юнайтед"нинг шорт-листига уч нафар футболчи киритилган. "Қизил иблислар" сафини Эллиот Андерсон ("Ноттингем Форест"), Адам Уортон ("Кристал Пэлас") ёки Карлос Балеба ("Брайтон") тўлдириши мумкин. "МЮ"нинг устувор вазифаси Балеба билан шартнома имзолашдир.

Англия чемпионатининг 16-туридан кейин "Манчестер Юнайтед" 26 очко жамғариб, турнир жадвалида еттинчи ўринда бормоқда. Рубен Аморим шогирдлари пешқадам "Арсенал"дан 10 очко ортда қолмоқда.