Бундан роппа-роса уч йил муқаддам, 2022 йил 18 декабрь куни жаҳон чемпионати финали бўлиб ўтган эди. Финалда Франция ва Аргентина терма жамоалари ўзаро ўйнашди. Французлар кетма-кет иккинчи мундиал ғолиблигига даъвогарлик қилишди.
Биринчи бўлимдан кейин Аргентина Лионель Месси ва Анхель ди Мариянинг голлари эвазига 2:0 ҳисобида олдинда бораётганди. Иккинчи бўлим якунига яқин Франция камбек қилди - 80 ва 81-дақиқаларда Килиан Мбаппе гол урди.
Қўшимча бўлимларда жамофлар гол алмашишди. Вазият пенальтилар сериясига қадар етиб борди, унда "альбиселесте"га омад кулиб боқди. Улар тарихда учинчи марта ва 1986 йилдан бери биринчи марта жаҳон чемпиони бўлишди.
Лионель Месси ўша оқшом жаҳон кубогини боши узра кўтарди.
