Ҳужумчи Габриэль Жезус яқинда тиззасидан олган жиддий жароҳатидан тикланиб, деярли бир йилга сафдан чиққан эди. Ўшандан бери Жезус "Арсенал" сафида икки марта майдонга тушди. Қишки трансфер ҳақидаги миш-мишлар фонида 28 ёшли бразилиялик "канонирлар" сафида қолиш истагини билдирди.
"Арсенал"да тугалланмаган ишларим қолганини ҳис қиляпман. Мен кетишни истамайман," - дея Жезуснинг сўзларини келтиради ижтимоий тармоқларда журналист Фабрицио Романо Players’ Tribune нашрига таяниб.
Амалдаги шартнома Габриэль Жезусни "Арсенал" билан 2027 йилнинг ярмигача боғлаб туради. Нуфузли Transfermarkt портали экспертлари форвардни 20 миллион еврога баҳоламоқда.
