Transfermarkt мутахассислари Саудия Арабистони клублари футболчиларининг нархларини қайта кўриб чиқди. "Ал-Иттиҳод" юлдуз ҳужумчиси Карим Бенземанинг қиймати 1 миллион еврога пасайди. 2022 йилда "Олтин тўп"ни қўлга киритган француз футболчиси ҳозир 7 миллион евро ўрнига 6 миллион еврога баҳоланмоқда.
Бенземанинг сўнгги тўртта нархига назар ташласак, у доимий равишда пасайиб бораётганини кўрамиз - 10 миллион евро, 8 миллион евро, 7 миллион евро ва 6 миллион еврогача. Бу, албатта, унинг ёши билан боғлиқ - у жума куни 38 ёшини нишонлайди.
Карим Бенземанинг энг юқори нархи 2016-2017 йилларда бўлган - 60 миллион евро.
