"Реал Мадрид"нинг собиқ ҳужумчиси Хоселу жамоанинг ҳозирги муаммолари ҳақида гапирди.
Испаниялик футболчи 2023 йилда клубга қайтди ва "Лос Бланcос"га Чемпионлар Лигасида ғалаба қозонишга ёрдам берди, аммо бир йилдан сўнг у Қатарнинг "Ал-Гарафа" жамоасига сотилди.
"Реал Мадрид"нинг муаммоси нимада? Уларда ҳақиқий "тўққизлик" йўқ, шундай эмасми? Муаммо шундаки, одамлар уларни доимо энг яхши йиллари билан таққослашади. 2023/24 йилги мавсумда биз атиги иккита ўйинда ютқаздик ва олтитасида дуранг ўйнадик - қолганларида ғалаба қозондик. Бундай натижани такрорлаш жуда қийин, қайси жамоа ҳақида гапираётганингиздан қатъий назар: "Барселона"нинг энг яхши версияси, "Манчестер Сити"нинг энг яхши версияси, "Реал Мадрид"нинг энг яхши версияси", деди Хоселу Diario AS нашрига.
