"Манчестер Юнайтед" футболчиси Бруну Фернандеш "Тоттенхэм" ярим ҳимоячиси Жеймс Мэддисоннинг яқинда берган баёнотига изоҳ берди.
Англиялик футболчи "қизил иблислар" сардорини мақтаб, уни кам баҳоланган деб атаганди.
"Мэддисон каби ўйинчидан бундай таърифни эшитиш катта шараф. Мен уни юқори даражадаги ўйинчи деб биламан. У менга ўхшаш ролда ўйнайди ва Премьер-лиганинг қийинчиликларини яхши билади", деди 31 ёшли ярим ҳимоячи Рио Фердинанднинг подкастида.
Жорий Англия Премьер-лигаси мавсумида Бруну Фернандеш 16 та ўйинда бешта гол урди ва еттита голли узатмани амалга оширди.













