"Челси" бош мураббийи Энцо Мареска "Манчестер Сити"да Пеп Гвардиоланинг ўрнига тайинланиши мумкинлиги ҳақидаги хабарга изоҳ берди.
"Бу шунчаки тахмин, мен 100 фоиз аминман. Ҳозир бу ҳақда ўйлашга вақтим йўқ. Менинг "Челси" билан 2029 йилгача амал қиладиган шартномам бор. Ҳозирда мен бутунлай шу жамоага эътибор қаратяпман", деди мутахассис.
Премьер-лиганинг 16 та ўйинидан сўнг, "Манчестер Сити" 34 очко билан турнир жадвалида иккинчи ўринда. "Аристократлар" эса 28 очко билан тўртинчи ўринда.













