"Ливерпуль"нинг собиқ ярим ҳимоячиси Дитмар Хаманн швециялик ҳужумчи Александр Исак билан боғлиқ вазиятга изоҳ берди.
Футболчи мавсум бошида "Ньюкасл"дан 130 млн фунт эвазига трансфер қилинганди, аммо ундан кутилган даражадаги ўйин кўрсата олмаяпти.
Немис мутахассисининг фикрича, агар Исак март-апрель ойларигача формага кирмаса, уни сотиш керак.
"Агар Александр Исакнинг ишлари март ёки апрелга қадар ўнгланмаса, "Ливерпуль" катта эҳтимол билан ёзда уни "Барселона"дек клубга сотиш бўйича музокараларни бошлайди.
Александрга даъвогарлар кўп бўлади, чунки у "Ньюкасл Юнайтед"да ўз қобилиятини кўрсатди," - деди Хаманн The Mag нашрига.
Исак бу мавсум "Ливерпуль" сафида 15 та ўйинда майдонга тушди. Ҳужумчи ҳисобида 2 та гол ва 1 та голли узатма бор.
