"Ливерпуль" клуби 33 ёшли қанот ҳужумчиси Муҳаммад Салоҳнинг келаси ёзда клубни тарк этишини тахмин қилмоқда. Бироқ, агар "қизиллар" "Борнмут"дан Антуан Семеньонинг трансферини амалга ошира олса, Салоҳнинг кетиши жорий қишда амалга ошиши мумкин. Бу ҳақда Football Transfers хабар бермоқда.

Манбага кўра, "Манчестер Сити" ва "Манчестер Юнайтед"нинг "гилослар" юлдузи учун таклифлари "Ливерпуль"ни ганалик футболчини қўлга киритиш бўйича саъй-ҳаракатларни кучайтиришга мажбур қилиши мумкин, бу эса Салоҳнинг клубдаги келажагини олдиндан белгилаб бериши мумкин.

Мисрлик футболчи мерсисайдликлар сафида 2017 йилдан буён тўп тепиб келмоқда. Бу вақт ичида ҳужумчи барча мусобақаларда 421 та ўйинда майдонга тушиб, 250 та гол ва 117 та голли узатмани амалга оширди. Вингернинг клуб билан амалдаги меҳнат шартномаси 2027 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 30 млн еврони ташкил этади.