Мадриднинг "Реал" клуби ҳужумчиси Килиан Мбаппе азалий орзусига эришганини тан олди.
Шанба куни "қаймоқранглилар" ҳужум чизиғи етакчиси ўз туғилган кунида "Севилья"ни мағлуб этишга ёрдам берди. Учрашув 2:0 ҳисобида якунланган бўлса, француз 86-дақиқада пенальтидан гол урди.
"Болалигимда туғилган кунимдаги орзумдаги совға "Реал"да ўйнаш эканини айтганман. Бу оқшом орзум ушалди," - деди 27 ёшини нишонлаган форвард ўйиндан кейинги интервьюсида.
Килиан Мбаппе нафақат туғилган кунида "Реал"да ўйнади, балки бир календарь йилида гол уриш бўйича Криштиану Роналдунинг клуб рекордини такрорлади (59).













