Madridning "Real" klubi hujumchisi Kilian Mbappe azaliy orzusiga erishganini tan oldi.
Shanba kuni "qaymoqranglilar" hujum chizig‘i yetakchisi o‘z tug‘ilgan kunida "Sevilya"ni mag‘lub etishga yordam berdi. Uchrashuv 2:0 hisobida yakunlangan bo‘lsa, fransuz 86-daqiqada penaltidan gol urdi.
"Bolaligimda tug‘ilgan kunimdagi orzumdagi sovg‘a "Real"da o‘ynash ekanini aytganman. Bu oqshom orzum ushaldi," - dedi 27 yoshini nishonlagan forvard o‘yindan keyingi intervyusida.
Kilian Mbappe nafaqat tug‘ilgan kunida "Real"da o‘ynadi, balki bir kalendar yilida gol urish bo‘yicha Krishtianu Ronalduning klub rekordini takrorladi (59).













