Франциялик ҳимоячи Аксель Дисаси қишки трансферлар вақтида Лондоннинг "Челси" клубини тарк этиши мумкин. "Кўклар" мураббийлар штаби 27 ёшли футболчига ишонмаяпти, деб хабар беради Milan News 24.
Манбага кўра, футболчида Италия А Сериясида ишлаш имконияти бор. Дисаси билан "Милан" ва "Рома" клублари қизиқиш билдирмоқда. АПЛда франциялик футболчига Лондоннинг "Вест Хэм" ва "Ньюкасл" клублари қизиқиш билдирмоқда.
Дисасининг бозор нархи 15 миллион еврога баҳоланмоқда. Ҳимоячининг "Челси" билан амалдаги шартномаси 2029 йилнинг ёзида якунига этади.
Жорий мавсумда Аксель лондонликлар сафида бирорта ҳам ўйинда майдонга тушмади.













