"Манчестер Юнайтед" бош мураббийи Рубен Аморимнинг таъкидлашича, клуб фақат узоқ муддатли истиқболда ишонч билдирадиган футболчиларни ўз сафига қўшиб олишга тайёр. Клубдагилар "тешикларни вақтинча ямашни" исташмайди.
"Ҳозир ҳам, ёзда ҳам келажагимизга мос келадиган футболчиларни ўз сафимизга қўшиб олишга ҳаракат қиламиз. Қишда нима бўлишини билмайман. Эҳтимол, биз нимадир қила олармиз," - дея Аморимнинг сўзларини келтиради Goal портали.
"Манчестер Юнайтед" айни дамда Премер-лига турнир жадвалида еттинчи ўринда бормоқда.
