"Астон Вилла" футболчиси Морган Роджерс жамоа бош мураббийи Унаи Эмерининг тажрибаси ва футболчиларга таъсирини юқори баҳолади.
"Бизнинг мураббийимиз даҳо. У нима қилаётганини аниқ билади ва қийин вазиятлардан чиқиш йўлини топа олади - у буни кўп марта бошдан кечирган. Унинг иштиёқи ва ёндашуви бизга ўтади, шу туфайли ўйинимизда ишонч ва ўзига хос драйв пайдо бўлади," - деди Рожерс.
"Астон Вилла" якшанба куни "Манчестер Юнайтед"ни 2:1 ҳисобида мағлуб этди, Рожерс иккита гол урди. Эмери жамоаси 36 очко жамғарган ҳолда Англия чемпионатининг кучли учлигидан жой олган.
