"Комо" ҳужумкор ярим ҳимоячиси Николас Пас Мадриднинг "Реал" клубига қайтиши ҳақидаги миш-мишларга изоҳ берди.
21 ёшли футболчи Сеск Фабрегас қўл остида А Сериянинг асосий юлдузларидан бири даражасига кўтарилди. Катта эҳтимол билан, мавсум якунида "қироллик клуби" биринчи навбатда сотиб олиш ҳуқуқидан фойдаланади ва ўз тарбияланувчисини қайтаради.
"Реал"га қайтиш? Ҳозир бу ҳақда ўйламаяпман. Мавсумни иложи борича яхшироқ ўтказмоқчиман, кейин кўрамиз. Фабрегас - ажойиб мураббий, фаолиятимдаги энг муҳими. У билан бутун жамоамиз каби ўз устимда ишлаб келмоқдаман," - деди Пас.
Аргентиналик футболчи Италия чемпионатининг жорий мавсумида 15 та ўйинда бешта гол урди ва шунча голли узатмани амалга оширди.
