«Астон Вилла» Англия Премьер-лигасининг 17-тури доирасида «Манчестер Юнайтед»ни 2:1 ҳисобида мағлуб этди ва шу орқали клуб тарихида 111 йил аввал қайд этилган ютуқни такрорлади. Бу ҳақда Opta Sports телеграм-канали хабар берди.

Манба маълумотларига кўра, Бирмингем жамоаси барча мусобақаларда кетма-кет 10 та ўйинда ғалаба қозонган — бу клуб учун 1914 йилдан бери илк бор қайд этилмоқда.

Бундан олдин «Астон Вилла» АПЛда «Борнмут» (4:0), «Лидс Юнайтед» (2:1), «Вулверхэмптон» (1:0), «Брайтон энд Хоув Альбион» (4:3), «Арсенал» (2:1), «Вест Хэм Юнайтед» (3:2) жамоаларини мағлуб этган. Европа Лигасида эса «Маккаби» (Тель-Авив) (2:0), «Янг Бойз» (2:1) ва «Базель» (2:1) устидан зафар қучган.

Айни пайтда «Астон Вилла» 36 очко билан АПЛ турнир жадвалида учинчи ўринни эгаллаб турибди. Кейинги турда Эмери шогирдлари 27 декабрь куни меҳмонда «Челси»га қарши майдонга тушади.