Кеча "Актобе" клуби ўз майдонида Исландиянинг "Брейдаблик" клубини қабул қилди ва ўйин сўнгида пенальтидан киритилган гол эвазига 1:0 ҳисобида ғалаба қозонди. Эътиборлиси, мазкур жарима зарбасини Александр Гейнрих ишлади.

Ушбу ўйин ҳақида ўз фикрини билдираркан, Қозоғистон терма жамоаси ва "Қайрат" клуби собиқ ҳимоячиси Константин Горовенко ўзбекистонлик ҳужумчининг ҳаракатларига юқори баҳо берди.

"Афсуски, "Актобе" ўйинга кечроқ қўшилди. Жамоа сўнгги 20 дақиқа давомида ўйнай бошлади. Бир ярим бўлим давомида эса секин ҳаракат қилди. Балки, ўйинда футболчилардаги чарчоқ сезилгандир. Шунга қарамай, "Актобе" футболчиларининг маҳорати рақибни камида 2:0 ёки 3:0 ҳисобида енгиш имконини берарди. Ишончим комил, актобеликлар "Брейдаблик"дан ўтишлари керак.

Нима учун Кенжисариев ўйин бошидан ўйнамаганини билмадиму, аммо Гейнрих ароҳат боис 90 дақиқа ўйнашга тайёрмасди. Шунга қарамай, у майдонга тушганида жамоанинг ҳужуми ўзгарди. Кенжисариев ҳам кескинликни оширди. Назаримда, Давидовга нисбатан Гейнрих фойдалироқ ўйнади. Сергейга кенглик керак, у рақиб жарима майдончасида унчалик эркин ҳаракат қила олмайди. Гейнрих эса ҳаракатчан ва эгилувчанроқ. Боз устига, ақл йўл тутиб, пенальти ишлашга муваффақ бўлди. Рақиб "Актобе" ўйинини яхши ўрганиб олди ва жавоб баҳси осон кечмайди. Шунга қарамай, "Актобе" ушбу рақибдан ўтишига ишонаман", дейди Горовенко.