"Борнмут" ҳужумчиси Антуан Семеньога Англия Премьер-лигасининг кўплаб топ-клублари қизиқиш билдирмоқда. Sky Sports’га маълум бўлишича, Семеньо учун курашга "Челси" киришган. Лондон клуби 25 ёшли футболчининг эҳтимолий трансфери бўйича маълумот сўради.
Аввалроқ, матбуот Семенони "Ливерпуль", "Манчестер Сити" ва "Манчестер Юнайтед" каби клублар билан фаол боғлаган эди.
Семеньо ҳужумда учта позицияда ҳаракат қила олади - иккала қанотда ва марказий ҳужумда. Футболчи айни дамда Премьер-лига тўпурарлар пойгасида 8 та гол билан учинчи ўринни бўлишиб турибди. Нуфузли Transfermarkt портали мутахассислари Семеньони 65 миллион еврога баҳоламоқда.













