Ҳимоячи Марк Гехи яқин келажакда "Кристал Пэлас"ни тарк этиб, мавқеи юқорироқ клубга кўтарилиши деярли аниқ. Sky Sports журналисти Каве Солехол Гехининг "Ливерпуль" билан "жентлменча" келишуви бўлиши мумкинлигини айтди. Ҳимоячи ёзги трансферлар ойнаси охирида мерсисайдликлар сафига ўтиши мумкин эди, аммо келишув барбод бўлди.
Журналистнинг таъкидлашича, Гехи 1 январдан бошлаб хорижий клублар билан музокаралар ўтказиш имкониятига эга бўлади. 25 ёшли футболчига "Бавария", "Реал" ва "Барселона" қизиқиш билдирмоқда. Катта эҳтимол билан Марк келаси ёзда жамоасини ўзгартиради.
2025/2026 йилги мавсумда 27 та ўйинда Марк Гехи иккита гол урди ва тўртта голли узатма муаллифига айланди.
