"Барселона" футболчиси Маркус Рэшфорд мотивация ҳақида гапирди. Англиялик футболчининг ўзи туғилиб ўсган "Манчестер Юнайтед"даги сўнгги мавсумлари у учун яхши ўтмади. Жорий мавсум бошида вингерни Каталония гранди ижарага олганди - ўшандан бери футболчи ўзини анча яхши кўрсатмоқда.
"Мен учун энг катта мақсадлар қўйилмаган клубда ўзимни руҳлантириш ва бор кучимни сарфлаш қийинроқ. Ҳозир мен ўзим учун идеал жойда, футболдаги йўлимни давом эттириш учун тўғри муҳитдаман," - дея Рэшфорднинг сўзларини келтиради Managing Barca.
"Қизил иблислар"нинг 28 ёшли тарбияланувчиси "Барселона" сафида 24 та ўйинда 7 та гол ва 11 та голли узатмага муаллифлик қилган.
