"Манчестер Юнайтед" келаси йилнинг февраль ойида Саудия Арабистонига боришни режалаштирмоқда, деб ёзади The Times.
Журналистларга маълум бўлишича, манкунианликлар Яқин Шарқда ўртоқлик ўйини ўтказишни режалаштирмоқда. Рубен Аморим жамоасига Италия А Серияси вакили "Милан" рақиблик қилиши мумкин.
Англия Премьер-лигасининг 17-тур якунларига кўра, "Манчестер Юнайтед" 26 очко билан турнир жадвалида еттинчи ўринда бормоқда. Манкунианликлар пешқадам Лондоннинг "Арсенал" клубидан 13 очко ортда қолмоқда. "МЮ" чемпионатдаги навбатдаги ўйинини ўз майдонида "Ньюкасл"га қарши ўтказади.
