Миланнинг "Интер" клуби марказий ҳимоячиси Алессандро Бастони клубини ўзгартириши мумкин.
Quotidiano Sportivo нашри тарқатган хабарга кўра "Ливерпуль" "Барселона" даъвогарлик қилаётган 26 ёшли италиялик футболчи учун курашга қўшилган. Таъкидланишича, агар ҳимоячи "Интер" билан меҳнат шартномасини узайтирмаса, иккала жамоа ҳам уни ўз сафига қўшиб олишга тайёр.
Жорий мавсумда Бастони барча мусобақаларни инобатга олган ҳолда 20 та учрашувда майдонга тушиб, битта гол урди ва бешта ассистни ўз ҳисобига ёздириб қўйди.
Бастонининг "нерадзуррилар" билан амалдаги шартномаси 2028 йилнинг ёзида якунига етади. Transfermarkt экспертлари футболчининг нархини 80 миллион еврога баҳоламоқда.
