Ҳимоячи Хави Галан "Атлетико"дан "Осасуна"га ўтди.
Памплона клуби 31 ёшли футболчини 500 минг евро эвазига ўз сафига қўшиб олганини эълон қилди. Агар келишув узайтирилса, "Осасуна" "Атлетико"га футболчи клубда ўтказган ҳар бир мавсум учун, агар жамоа Ла Лигадан тушиб кетмаса, 500 минг евро тўлайди.
Галан 2023/24 йилги мавсумда "Атлетико" сафига келиб қўшилганди. У Ла Лиганинг жорий мавсумида 5 та ўйинда майдонга тушди.













