"Марсель" ҳужумчиси Нил Мопе Италиянинг "Пиза" клуби сафига ўтиши мумкин. Бу ҳақда Footmercato хабар бермоқда.
Футболчи провансалликларнинг асосий таркибидан тушиб қолган ва жорий мавсумда атиги учта ўйинда майдонга тушиб, битта гол урган. "Марсель" яқин трансферлар ойнаси доирасида ўзи умид қилмаган футболчилар билан хайрлашиб, жамоадаги маошлар жадвалини камайтирмоқчи. Тахминларга кўра, ҳужумчи ижара асосида Италия жамоаси таркибини тўлдириши мумкин.
Мопенинг "Марсель" билан амалдаги меҳнат шартномаси 2028 йилнинг ёзигача мўлжалланган. Футболчининг ҳозирги трансфер нархи 4 млн еврога баҳоланмоқда.
