"Атлетико" жамоа ҳужумчиси Александр Сёрлотни сотиш масаласини кўриб чиқишга тайёр, дея хабар бермоқда журналист Маттео Моретто.
Манбага кўра, агар клубга яхши таклиф тушса, мадридликлар уни кўриб чиқишга тайёр. "Атлетико" 30 ёшли футболчи учун 35-40 миллион евро олмоқчи.
Серлот 2024 йилнинг ёзидан бери Мадрид клубида ўйнамоқда. Норвегиялик футболчи 2025/26-йилги мавсумда барча мусобақаларда 22 та ўйинда майдонга тушиб, бешта гол урди ва битта голли узатмани амалга оширди.
Ҳужумчининг шартномаси 2028 йилнинг ёзигача мўлжалланган. Transfermarkt портали футболчининг нархини 20 миллион еврога баҳоламоқда.
