"Насаф" Элит ОЧЛда гуруҳ босқичидан чиқиш имкониятини йўқотиб бўлди. Шунга қарамай, "Насаф" февраль ойида "Шорта" (Ироқ) ва "Шаржа" (БАА) клубларига қарши 2 та ўйинда ғалаба қозониши керак.

Боиси, ОФК рейтингида айни пайтда 5-ўринни эгаллаб турган Ўзбекистонда 7-ўринга тушиб қолиш хавфи юзага келди: Ироқ ва Иорданияда биздан ўтиб кетиши мумкин.

Иорданиянинг "Ал-Ҳусайн" клуби ОЧЛ-2 мусобақасида плей-оффга чиқди. Бу жамоа плей-оффда узоқроққа борса, Иордания катта эҳтимол билан ОФК рейтингида Ўзбекистондан ўтиб кетади.

Ироқнинг "Шорта" жамоасида эса Элит ОЧЛ плей-офф босқичига чиқиш имконияти бор (ҳозир 1 очкога эга). Айнан "Шорта" 1/16 финалга чиқмаслиги учун ҳам "Насаф" 9 февраль куни Қаршида бу жамоага камида ютқазмаслиги. "Насаф" буни уддаласа, "Шорта" Элит ОЧЛни тарк этади ва Ироқ ОФК рейтингида Ўзбекистондан ўтиб кета олмайди (шу билан бирга Ўзбекистон ўз ҳисобига маълум балл қўшиб олади).

ОФК рейтингида Ўзбекистон 6-поғонани сақлаб қолса, мавсум-2026/2027да Элит ОЧЛдаги ўрнини ҳам сақлаб қолади.