"Nasaf" Elit OCHLda guruh bosqichidan chiqish imkoniyatini yo‘qotib bo‘ldi. Shunga qaramay, "Nasaf" fevral oyida "Shorta" (Iroq) va "Sharja" (BAA) klublariga qarshi 2 ta o‘yinda g‘alaba qozonishi kerak.
Boisi, OFK reytingida ayni paytda 5-o‘rinni egallab turgan O‘zbekistonda 7-o‘ringa tushib qolish xavfi yuzaga keldi: Iroq va Iordaniyada bizdan o‘tib ketishi mumkin.
Iordaniyaning "Al-Husayn" klubi OCHL-2 musobaqasida pley-offga chiqdi. Bu jamoa pley-offda uzoqroqqa borsa, Iordaniya katta ehtimol bilan OFK reytingida O‘zbekistondan o‘tib ketadi.
Iroqning "Shorta" jamoasida esa Elit OCHL pley-off bosqichiga chiqish imkoniyati bor (hozir 1 ochkoga ega). Aynan "Shorta" 1/16 finalga chiqmasligi uchun ham "Nasaf" 9 fevral kuni Qarshida bu jamoaga kamida yutqazmasligi. "Nasaf" buni uddalasa, "Shorta" Elit OCHLni tark etadi va Iroq OFK reytingida O‘zbekistondan o‘tib keta olmaydi (shu bilan birga O‘zbekiston o‘z hisobiga ma’lum ball qo‘shib oladi).
OFK reytingida O‘zbekiston 6-pog‘onani saqlab qolsa, mavsum-2026/2027da Elit OCHLdagi o‘rnini ham saqlab qoladi.
