"Манчестер Юнайтед" ярим ҳимоячиси Кобби Майну Англия Премьер-лигасининг бошқа бир грандига ўтиши мумкин.
Talking Ball нашри тарқатган хабарга кўра 20 ёшли хавбек хизматига Лондоннинг "Арсенал" клуби қизиқиш билдирмоқда. "Канонирлар" январь ойидаёқ футболчини қўлга киритишга уриниб кўриши мумкин. Ҳозирда клублар Майнуни ижарага олиш бўйича музокаралар олиб бормоқда, аммо ҳали келишувга эришилгани йўқ. Қайд этилишича, футболчининг ўзи "Арсенал"га ўтиш вариантига қизиқмоқда.
Англия Премьер-лигасининг жорий мавсумида Майну 11 та учрашувда майдонга тушди ва уларда самарали ҳаракат қилмади.
Майнунинг "Манчестер Юнайтед" билан шартномаси 2027 йилгача мўлжалланган. Transfermarkt портали ярим ҳимоячининг нархини 40 миллион еврога баҳоламоқда.
