"Арсенал" бош мураббийи Микель Артета жамоа вингери Габриэль Мартинелли "Кристал Пэлас"га қарши ўйинда жароҳат олганини тасдиқлади.
Англия Лига Кубогининг чорак финалида "Арсенал" "Кристал Пелас" устидан пенальтилар сериясида ғалаба қозонди. Мартинелли ўйинни асосий таркибда бошлади, бироқ 59-дақиқада захирага олинди.
"Габриэл Мартинеллининг катта эҳтимол билан жароҳати бор. У ноқулайликни ҳис қилди, шунинг учун ўйинни давом эттира олмади. Уни алмаштиришга мажбур бўлдик," - дея Артетанинг сўзларини келтиради Арсенал Зоне.
Мартинелли бу мавсумда барча мусобақаларда 20та ўйинда майдонга тушиб, 6та гол урди ва 1та голга ҳаммуаллифлик қилди.
