"Челси"нинг собиқ сардори ва афсонаси Жон Терри Лондон клубининг асосий муаммосини тилга олди. Унинг фикрича, "кўклар"га тажрибали футболчилар етишмаяпти.
"Ўйлашимча, ҳозир "Челси"да бироз тажриба етишмаяпти. Янги эгалар шундай йўл тутишди ва бу нормал ҳолат. Ҳозир "Челси" аввалги хўжайинидан фарқли ўлароқ, бошқача йўл билан натижаларга эришмоқда.
Шунчаки клубга бироз тажриба етишмаяпти. "Челси" АПЛда барча клублар орасида энг ёш таркибга эга бўлса керак. Ўйлашимча, кўп нарсага эришган тажрибали футболчилар билан бирга ўйнасанг, ёш футболчиларга таъсир ўтказа оласан", - дейди Терри.
Жон Терри 1998-2017 йилларда "Челси" шарафини ҳимоя қилган.
