"Манчестер Юнайтед" Мадриднинг "Атлетико" клуби ярим ҳимоячиси Пабло Барриосни ўз сафига қўшиб олмоқчи. Бу ҳақда TEAMtalk журналисти Дин Жонс хабар берди.
Манбага кўра, қишки трансферлар вақтида "қизил иблислар" майдон марказини кучайтирмоқчи. Барриоснинг трансферига шахсан манчестерликлар бош мураббийи Рубен Аморим қизиқиш билдирмоқда. Португалиялик мутахассис аргентиналик иқтидорнинг мухлиси ҳисобланади. "Манчестер Юнайтед"нинг режаси жамоанинг узоқ муддатли режаларини амалга ошириш учун футболчилар билан шартнома имзолашдан иборат.
Пабло Барриос "Атлетико" тарбияланувчиси ҳисобланади. Унинг "матрасчилар" билан шартномаси 2030 йилнинг 30 июнига қадар имзоланган. Жорий мавсумда ярим ҳимоячи Мадрид клуби сафида 27 та ўйинда майдонга тушиб, 3 та гол урди ва 1 та голли узатмани амалга оширди.
