Лондоннинг "Челси" клуби марказий ҳимоячиси Аксель Дисаси "Барселона"га таклиф қилинди.
"Кўклар" устози Энцо Мареска анчадан буён франциялик футболчига умид қилмаяпти, шу боис футболчининг вакиллари унга янги клуб қидирмоқда. Инсайдер Фабрицио Романонинг ёзишича, Дисасининг хизматлари "Барселона"га таклиф қилинган. Гап ижара ҳақида эмас, тўлақонли трансфер ҳақида кетмоқда. Каталония клуби ҳали бир қарорга келгани йўқ.
Маълумки, "кўк-анорранглилар" январь ойида катта харажатларсиз мудофаа марказини кучайтирмоқчи. Аксель Дисасининг Transfermarkt сайтидаги нархи - 15 млн евро. Футболчи жорий мавсумда "Челси"нинг асосий жамоасида ўйнамади - у ҳатто қайдномага ҳам киритилмади.
