"Бавария" марказий ҳимоячиси Жонатан Та клубдаги илк мавсумини ўтказмоқда.
Ёзда германиялик футболчи Мюнхен гранди сафига Леверкузеннинг "Байер" клубидан келиб қўшилди.
"Энг катта таассурот қолдирган нарса нима? Машғулотларнинг ақл бовар қилмас сифати, шиддати. Мен ҳеч қачон бунақасига дуч келмаганман. Ҳар бир машғулотда ҳамма бор кучи билан ҳаракат қилади, ҳеч ким бир сония ҳам секинлашмайди. Бу жуда таъсирли ва клуб ҳақида кўп нарса айтади," - деди Та Abendzeitung нашрига берган интервьюсида.
"Бавария" 15 турдан сўнг 41 очко билан Бундеслига турнир жадвалида пешқадамлик қилмоқда. Иккинчи ўриндаги "Боруссия" Дортмунд билан орадаги фарқ 9 очкони ташкил этмоқда.
