Андрей Шевченконинг ишончи комилки, "Челси"ни сотишдан тушган пуллар Украина можаросида жабр кўрганларга ўтказилиши керак.
Аввалроқ Буюк Британия бош вазири Кир Стармер Роман Абрамовичга 2,34 млрд фунт стерлингни Украинага ўтказишга рухсат бермаса, суд билан таҳдид қилганди.
"Абрамович билан ҳеч қандай муносабатим йўқ. Мен бу ҳақда газетада ўқиганман, лекин воқеалар ривожини кузатмаганман.
Бу унинг ўзи ва ҳукумат ўртасидаги иш, аммо у [Украина можаросида жабрланганларга] пул тўлаши кераклиги аниқ," - деди "Челси"да ўйнаган УФА президенти Dagens Nyheter нашрига берган интервьюсида.
