Ян Диомандега "Манчестер Юнайтед" қизиқиш билдирмоқда.
Аввалроқ, "Лейпциг"нинг 19 ёшли футболчисини "Ливерпуль", "Манчестер Сити", "Челси", "Тоттенхэм" ва бошқа кўплаб клублар кузатиб бораётгани ҳақида хабарлар тарқалган эди.
Инсайдер Фабрицио Романонинг ёзишича, "МЮ" ҳам "шпорлар" сингари сўнгги вақтларда Кот-д'Ивуар терма жамоаси футболчисининг ўйинларига скаутлар юборган.
Шу билан бирга, "Лейпциг" у билан қачон хайрлашишга рози бўлиши мумкинлиги ҳозирча номаълум. 2025 йилда клуб трансферлардан катта маблағ олди ва 2026 йилда Диомандени сотишга эҳтиёж сезмаслиги мумкин.
19 ёшли футболчининг ҳисобида жорий мавсум Бундеслигада 14 та ўйин ва 6 та гол бор.













