"Манчестер Сити"нинг италиялик дарвозабони Жанлуижи Доннарумма жамоа ҳужумчиси Эрлинг Холанд уни айнан "ПСЖ"дан "Сити"га ўтишга ундаганини маълум қилди.
"Холанд мени бу ерга келишга жуда кўп ундади. [Хосеп] Гвардиола қўл остида ўйнаётганимдан хурсандман," - дея Доннарумманинг сўзларини келтиради Calciomercato.
2025 йил 1 сентябрда дарвозабон билан шартнома имзолангани эълон қилинди. Трансфер қиймати 35 млн еврони ташкил этди. 26 ёшли Доннарумма инглиз клуби билан 2030 йилнинг ёзигача мўлжалланган шартнома имзолади.
Аввалроқ Халқаро футбол тарихи ва статистикаси федерацияси (IFFHS) Жанлуижи Доннаруммани 2025 йилнинг энг яхши дарвозабони деб топгани ҳақида хабар берилганди.













